My Sponsor

2009年10月2日 星期五

車品品小食 ~ 舊食評

題目:蘿蔔真的是又腍又甜,名不虛傳!

說了來就要來,一心亦諗著先吃為快。今日做到四點幾,夜晚約左在沙田龍華有局,中間正好有個空檔,就坐914由中環過來。

呢度舖仔細細,只有三張檯約十來個位。五時多都有幾多人在食野,可見是頗受歡迎。甫進店,相信是店主鄭小姐立即熱情的招呼。店子雖少,但供應的食物卻幾多,各式車仔麵、油渣粉仔、碗仔翅、魯肉餃、撈麵、炒銀針粉、糖水等。選擇多樣樣都想試,但又不能吃得太飽,所以就叫了蝦子撈麵加蘿蔔。


蘿蔔先來,果然是又腍又甜美,完全沒有渣,相當之掂,可以這樣說無論吃什麼,這個蘿蔔是不可錯過。店主還給我加上了咖哩汁,又辣又冶味呢!加上等了一會麵來了,一個麵餅的份量,上面舖滿蝦子,店主不忘提示不要下任何汁醬去撈才吃得到蝦子的真味。蝦子鹹香,麵是中條麵,撈入蝦子味道不錯,如果麵餅可用少少油拌一拌會更好。份量雖不多,但幾有水準。撈麵還跟蝦子湯,亦有蝦子在內,也有生菜,湯清清的,沒有味精,也好。


加埋一杯味似酸梅湯的涷飲,埋單三十蚊也不用,如果再有機會一定會試埋其他食物的。

在店內的短短的十來分鐘,已充分的體質到這街坊小店的成功處:店主服務態度殷勤,不停的主動推介,不停的問「要唔要咖哩汁」「加唔加腩汁」的。臨走時我問個阿姐,點解個蘿蔔可以整到咁腍咁甜,佢話:「唔知架!不過個個都係咁話喎!

刊登日期:2004年8月1日

沒有留言:

張貼留言