My Sponsor

2009年11月12日 星期四

波記 ~ 嬲嬲地,食鴨脾!


在夜深人靜,很容易會想起這個食評。

當工作極繁重的時候,有時都會問自己,咁辛苦為咩?通常問得呢一下,結果得兩個,一係食餐好勁貴的,一係就鐘意食咩就食咩。忽然諗起專兄貼過這裡的鴨脾,就趁有四十五分鐘空閒時間,打廿幾蚊的士來吃。


外表是普通麵店

要了鴨脾瀨,加碟韮菜花。吃得鴨脾,一定要自己吃一隻,又最好唔好斬,因為成隻食比一件件的分開吃,道理如吃乳鴿要原隻吃一樣,滋味好多。


鴨脾要原隻吃才有意思

這裡的鴨脾是別處交來,凍凍的,但皮脆肉嫩,加上美味的鴨油及鴨汁,味道已經不用再形容,是正到不得了。我忽略又諗起,如果此時鏞記未收檔,我一定會去食隻鵝脾免切~~雖然以我的年紀,都不宜成隻鵝脾咁食了。


瀨粉是燒鴨的好朋友

唔知點解,吃鴨脾或鵝睥,都梗係要配瀨粉,等如吃魚蛋配河粉一般自然。湯底有點味精,但將小半碟鴨汁倒下去伴吃,更美味。韮菜花鮮美,淋腩汁,美味。


韭菜花很爽甜鮮美

埋單42蚊,吃得心滿意足。


滿足!滿足!

幾時又來吃過?


你見之後之前某人吃斬件「鵝」,之後也憧原隻吃了...

評分:﹝以5個&為滿分﹞
食物:&&&&
環境:&&1/2
服務:&&1/2
餐廳資料:
西環山道23號地下

4 則留言:

  1. 如果唔係佢太遠, 我諗我會成日幫趁!

    回覆刪除
  2. 最驚去到撞正佢每月一天o既不定期休息日就真係無言Orz

    回覆刪除
  3. 專兄,我都係咁話!
    Glayforever,佢個不定休的經營時間,真的難捉摸的。

    回覆刪除